Zeit wieder was zu schreiben

Geschrieben am 11.06.2007 um 08:20 von Fabio
Isch scho e langi ziit sither wo ich s letschtmal da ine öpis gschriebe han. sorry für das :)
mir sind aber recht beschäftigt xi, wie mer im fotoarchiv gseh chan
okey, etz musi grad mal überlegge über was ich schribe chönt. ja also, ich bin wiedermal is kino gange, isch glaubs dunnschtig oder friitig abig xi, recht spat.
bin "Day Watchers" go luege, so en film über "Die wächter des tages" und "Die wächter der nacht". so irgendwie d gschicht dass früehner emal d "macht" ufteilt worde isch, i tag und nacht, und jedi gruppe het halt öpis, und es isch irgendwie en pakt zwüsched dene das niemerd eine vode andere agriift. isch e ziemli komischi gschicht für en kino film zuu komplex. aber s buech isch besser xi.
was aber no cool xi isch, s kino isch am timesquare xi, mitte im rummel. aber im kino saal simmer nur 4 lüüt (ich inklusive) xi.

ja, d gina isch a dem abig mitere kollegin no ine bar gange. ladies night :P het en stripper gha im lokal, im fotoarchiv isches irgend neuemed z gseh. zum glück chan sie d kamera nonig so guet bediene, suscht hetti wohl müsä zensur walte lah. *grins* isch angeblich no ganz luschtig xi.
wie au immer, am samschtig simmer wieder id city gange, ich bi scho am 8i gange, han d nacht dure gmacht, nid chöne ischlafe, no s buech "Betrayed" fertig gläsä (ziemli spannend xi, n krimi, mit viel bluet und geschnätzel), und woni fertig xi bin isch scho irgendwie 6i am morge xi. han den öpis z morge gmacht, bin unter d tuschi, und ab id city. inen buechlade barney& irgendwie het de gheisse e wiiters buech go chaufe.
isch aber no müehsam xi zum s buech finde, wil i dem lade sind d büecher nid nach "thema" sortiert, sondern nach author. da isch also en liebesroman nebed me verschwörigstheoriebuech xi, und nebed dra en krimi. also ja müehsam xi zum eis finde, han aber gschafft.
s heisst "Corrupts absolutely", isch vode alexa hunt, gaht so chli um d zuekunft (fascht es bitzli zuu wiit entfernt für min gschmack), um droge kartel und um es "bureau of illegal substances controll", wo die agents ganz anonym sind und d erlaubnis hend, öper wo i droge gschäft verwicklet isch direkt z "determiniere" (=kille). ja und da gits natürli verschwörigs sache wo da füre chömed und en journalischt und e uftragskillerin (ebe vo dem BISC) und die findet das den beidi use, werschindli no chli romantik drine, bla bla bla. ja und den gits no en bösä general wo wet atombömbeli uf mexiko (drogekartel) gheie lah, und das münds natürli au no verhindere.
ziemli ideologischs buech im grund gno, aber egal denki isch no intressant.

ah ja, mir sind den am abig no is kino, scho wieder. :P
Hostel 2 go luege. also wer hostel 1 kennt hui, de isch brutal. geschnätzel, gemetzel, gemordel (hm komischs wort). aso s eis macht sim ruef voll und ganz ehre vo eim vode grüüsigschte film im jahr.

aber s hostel 2 isch ziemli öde. mer gseht wükli nüt, s brutalschte isch no xi wo de einte de hals ufgschnitte wird, also vom optische her, aber das isch nüt im verglich zum eis xi. und ja d story isch ja so oder so ziemli ähm ja, banal. de film gaht mer nur go luege wil mer mal chli bluet wet gseh ... :P aber da machts de zweiti teil nüme mit.
also absolut nid sehenswert.

ja, wie au immer.
was mich aber au no fasziniert, etz ganz allgemein.
wemmer überleit, new york het so öpä 8 millione iwohner. de chömed so pi*duumä no 2 millione touris dezue.
den simmer bi 10millione. das isch also meh als d schwiiz.
wemmer etz aber mal luegt wieviel kino das es ide schwiiz git, jedes kaff het eis. wetzikä het drüü, züri het einnigi etc. da git insgesammt sicher meh als 1000 kino ide schwiiz (evt mal tel.search.ch go sueche).
also, das sind den öpä 1000kino uf 6mio mensche.
in new york hets grob gschätzt öpä 20 grossi kinos (also mit so um die 10-15 sääl), und werschindli nomal 20 chlini indies, wo ein saal hend. macht vilicht so im guet grächnet 300 kinos für 10millione.
:D jaa, mir schwiizer hend meh kinos, ätsch bätsch.
(ganz nachem motto, glaub keiner statistik die du nicht selbst manipuliert hast).

ah ja, was es näbed kinos au no viel git i new york. Pizza. isch wükli unglaublich, aber es het extreeeeem viel pizza ständ und so chlini take away lädeli mit pizza. achtung, fescht hebe, e GoogleMap suechi nach "pizza new york city" git insgesammt: 25'910 ergebniss.
25'000 pizza lädeli.

:) hehe hüt simmer au wieder go lädälä, chli chleider und tshis für mich no.
und i han es buech gfunde "Church Signs across America".
hehe isch no geil, da hets eifach alles fotene vo dene Tafle vode chillene. "Free trip to heaven. Details Inside", und alles so funny sache wo tatsächlich mal bi dene schilder gstande isch.
Kommentare
Zu dem Eintrag wurde noch kein Kommentar hinzugefügt.
Kommentar schreiben
Dein Name:
Deine E-Mail: (wird nicht angezeigt)
Dein Kommentar: